全球最大表展—BaselFair今年可以說是最後一年在Basel見人。因為過埋今屆，為了有更大空間畀廠家、鐘表、珠寶商，明年起將BaselFair分成兩個場地，一個在Basel，而另一個則會在隔個幾小時車程的蘇黎世！到時Basel會展出表而蘇黎世則展出半製成品、機械等產品，意味着更大型展覽！可能因為咁，今年特別有生氣，而且新表更是令人目不暇給，高貴平價表種都匯集在場中，買表慾立刻直線提高。綜觀新表潮流，可以一個字概括：大！
記者、部分攝影：馮彥彰
去BaselFair最好就係可以睇到最新表，一定快過你睇娛樂版或者任何表展，如果係記者朋友，更可以獨家睇到一大堆未公布新表，當中玩設計的，以Ikepod、Alessi最受好評，二叔表Rolex收埋唔少好嘢，可惜只供Buyer睇堅貨，當然大家熟悉的G-shock一樣有得展，不過就冇乜人行，可惜。
去瑞士睇每年全世界最大的表展BaselFair，唔同你去會展睇書展。表展入面，主要係畀各地唔同Buyer搶貨，尤其係瑞士表大都限量出產，由人手做，一年每個師傅都係做得嗰二至四隻，貨源甚緊，個價錢有時寫出來變成無意思，反而有價錢的，成了Cheap表。
有人話Tourbillon（陀飛輪）係表中極品，每個買表人都要有隻，而表廠都會開發自己的陀飛輪以證明自己做表能力，I記都有隻，Fans必入。
1.Monogram及大表面都係今年最Hit，點都要入一隻，當中以40mm至42mm為首選。但膠表就……Sorry，呢年可以暫時放低。
2.因表面大，所以表廠可玩更多技術及不同運行方法，女士們終於可戴大大隻陀飛輪或男裝表。
3.Chrono同Automatic必係新手買表之選，而Quartz（石英）就一如以往，放到最後。
4.電子表有望再次抬起頭，眼見TagHeuer同唔少大品牌都追加。當然要留意我哋之後嘅報道。
6.BaselFair始終係大牌子行先，畀大財團玩晒，其實唔少香港人鍾意的Ikepod，Fossil，Alessi等牌子都放喺一個好細同唔顯眼位置，其他日本牌子更慘，真係可以話行快步都見唔到。相信呢一兩年都係SwatchGroup、Rolex、LVMH等品牌玩晒。