昨日容祖兒（Joey）以~H2O+護膚品代言人身分，在上海新天地出席該店登陸上海開幕禮，稍後Joey又到上海瑞安廣場舉行簽名會，吸引大班fans到場。
近日有雜誌指英皇藝人連番惹是非，全因沒有鑄金像擋煞，故近日英皇便為旗下藝人鑄金像。對此，昨日Joey說：「梗係唔係啦，公司遲啲會用我哋肖像出附屬產品，所以我哋之前先去做倒模，𠵱家啲人樣樣都講到關風水事，真係意亂情迷（編者按：用詞不當，應是混淆視聽），誤導人呀，我都係不宜講太多。」但Joey近日卻頻以藍衣示人，有傳這樣可以擋煞。
另有報道指英皇要求女藝人不穿胸圍來擋煞，Joey昨日穿上白色薄紗裙示人，她亦有穿上胸圍，Joey說：「一聽就知冇可能，唔戴Bra佢哋又知？傳聞當講笑冇所謂，（傳媒）係時候見好就收。」Joey昨日心情極佳，她表示因家中愛貓懷孕，她目前正等着做外婆。