奧地利首都維也納市市長，昨日從美國飛來香港訪問三日，一落機就去政府總部拜會阿董同煲呔，都算好畀面。
呢位市長叫Dr.MichaelHaupl，同阿董一樣滿頭白髮肥肥哋，重好好傾㖭。佢話畀八方聽，佢同阿董呢次會面主要會傾雙方在環保科技上的合作。乜香港有發展環保科技咩？就係因為冇，呢位市長先可以笑騎騎，話希望香港採用維也納嘅環保科技，例如污水淨化處理等。嘩？原來做市長要落手落腳推銷咁具體嘅產品㗎？
八方重聽呢位市長講，話煲呔六個星期後會訪問維也納。唔知到時我哋司長，會向維也納推銷香港乜嘢特長呢？
E-mail：