世界盃將於下月開鑼，係時候着番件波衫嚟趁吓熱鬧。今年1月中喺福田華發北路嘅潮流前線開咗一間售賣真正嘅進口球衣專賣店，呢處有香港未見過嘅中國隊紀念波衫，亦有不少其他足球產品，可算是貨齊價平，波友不妨去睇睇嘞！
ImageGirl：毛小倩
中國隊第一次出線打入世界盃，身為中國人梗係感到興奮，而為咗呢個盛大喜事，國內嘅adidas代理就即時睇準時勢，推出一件紀念版波衫。波衫印有「足球從未感覺這麼好」嘅簡體字樣，而衫嘅設計以紅白色為主，着上身的確醒神。身為中國人嘅一分子，趁住世界盃來臨，唔使講要買番件中國隊波衫嚟捧吓場喇！
由德國製造商Fanworld替其聯賽球隊拜仁慕尼黑球隊生產嘅手巾，size為18吋×18吋，足球場圖案以紅、藍、白三色為主，非常搶眼。
雖然唔係正版歐洲貨，但由國內製造商製作嘅襟針，手工及上色都十分不俗；加上有齊歐洲五大聯賽嘅球隊徽章，所以大受歡迎，何況售價每個只收?10。
唔講大家未必知，除咗意大利聯賽球隊喺深圳大熱外，原來德國嘅拜仁慕尼黑球隊亦有極多Fans捧場。鑑於Fans特多，就連其球隊嘅產品亦賣得唔錯，正如呢類正版球隊布徽章，新舊多款均有捧場客。
香蕉球連鎖專賣店
電話：(86-755)3361026
地址：深圳市福田區華發北路萬商友誼百貨潮流前線B06號舖（紫荊城對面）
營業時間：上午9:30至晚上9:30