賭王二千金何超鳳（Daisy）前日出席新城財經台節目，不過今次唔係講信德旗下樓盤，而係講女兒家心事。話說財經台近日有個叫《非常人非常音樂室》嘅節目，搵班商界名人自選歌曲，跟住就傾吐吓心聲。
Daisy揀咗九首歌曲，包括PetShopBoys嘅《Suburbia》、Eurythmics嘅《SweetDreams》等，咪以為讀番書嘅Daisy淨係鍾意英文歌，佢重揀咗幾首本地作品，包括好友陳百強首《我的故事》。
Daisy話呢幾首歌都係佢讀書談戀愛時經常聽嘅歌，佢重特別提到首《我的故事》，話呢首歌完全反映到當時自己對愛情患得患失嘅感覺。Daisy又提到Eurythmics嘅《SweetDreams》，話佢細細個嘅夢想係為人師表，但結果讀完Marketing返香港就順理成章入信德幫父親手，不過，佢話做人最重要做好本份，咁就一定會有發展機會。
E-mail：