陳小春昨日與林熙蕾及張達明等，在尖沙嘴某的士高內，拍攝電影《枕邊兇靈》。
小春昨日心情甚佳，他說：「話謝霆鋒係我情敵，只係你哋一廂情願嘅想法啫，我同過邊個拍拖使乜同大家交代，我又唔覺得自己慘！」
小春續道：「做得呢行，預咗會有拉拉扯扯嘅情況出現，你哋又唔好講到話我俾人搶女朋友咁嚴重，佢哋兩個拍緊拖，快快樂樂咪好囉，又唔關我事，再咁落去容乜易俾你哋搞到情變！」
此外，問小春何時再追女仔，他卻笑說：「唔追女仔啦，以後追男仔，我專登忍痛穿右耳耳窿，咁代表搞基，我終於搵到人生真正嘅目標啦。」小春穿耳可是受情變刺激？他解釋說：「唔係，我貪玩啫，遲啲我重會喺手臂老鼠仔位置紋三十六呢個數目字。」
採訪、攝影：甘比