謝霆鋒最近與女友張栢芝是非纏身，霆鋒昨日偕父母三人到泰國拜四面佛，希望可以帶來好運。而栢芝自與霆鋒遊泰國回港後，每次現身都幾乎以紅衣亮相，前晚更不慎露出紅色內褲，看來她亦希望以衣着顏色改運。
謝霆鋒昨午近三時離開裕景花園寓所，由保母車接載到機場，其間座駕為擺脫記者，三度於雙白線爬頭，更有一報館採訪車不慎發生交通意外。不過霆鋒心情看來不俗，他在車上主動向記者揮手，亦罕有地拉起保母車窗簾露出微笑。
霆鋒抵達機場後，記者問他是否到泰國拜神，他笑着說：「係呀，今次同媽咪一齊去。」問霆鋒會否拜會白龍王及四面佛時，他只搖頭不語，至於在泰國留多少天，霆鋒說：「未知，我之後返嚟有好多嘢忙，要去內地剪綵同做演唱會嘅嘢。」
對於此刻自己的心情，霆鋒說：「冇乜嘢，一向都係咁啦。」不過他表示未能到台灣探望陳奕迅，他說：「我都想去，但唔方便，佢都有打電話畀我呀。」霆鋒又表示不相信徐濠縈懷孕。
霆鋒其後與母親狄波拉（拉姑）及父親謝賢會合，拉姑說：「我專登帶個仔去，等大家可以唞吓嘛，再係咁真係搞出人命呀。」接着他們一家三口來個大合照，謝賢更大笑道：「哈哈，最緊要揀張靚啲嘅相。」霆鋒此時亦表示自己沒有被扣留旅遊證件。接受完在場人士的祝福後，三人步入閘口，而拉姑此時回頭說：「今次一定要順利呀。」
此外，霆鋒女友張栢芝前晚到佐敦一間錄音室，為護膚品廣告錄完主題曲後，於九時半步出，並匆匆步上等候的保母車，其間更不慎露出鮮紅色的內褲。
其實栢芝自與霆鋒遊泰國返港後，每次出現幾乎都穿紅色衣物，連手提電話也不例外，是否受高人指點則不得而知。不過堪輿學家蘇民峰昨日說：「栢芝命格應該要用白金銀黑灰藍，忌青綠紅橙紫，最重要係頭髮、車同住嘅地方顏色。」另外，謝賢前晚探望霆鋒，他的凌志房車已換為寶馬新車。