天氣開始轉熱,相信有唔少人已經開始開冷氣機瞓覺;呢個時候,一張冷氣被就最啱用。小記發現東門一間名為「夢怡床上用品」發售嘅冷氣被,售價竟比羅湖商業城賣嘅更平,原來佢哋每日都將棉被批發去商業城,而且可以訂做各種size被,售價重非常吸引㗎!
基本上所有冷氣被均用科學棉作被內棉料,皆因既可保暖兼輕盈。呢張標準雙人被Size為1.8米(闊)×2.2米(長),外套可以分開拆出嚟清洗;呢種繡花圖案現時深圳十分流行,加上淺黃色被套更令人受落,現時每日賣到20多套㗎!據講羅湖商業城賣緊?250一套(被套加兩個枕頭套),家陣呢處只售?160,平足?90。
呢張雙人冷氣被,花紋圖案先印製於布料上,然後再加工縫製於被套外,所以工序較繁複。不過售價好合理,雙人Kingsize尺寸為2米(闊)×2.3米(長),被套連兩個枕頭套都係?120咋!
1.8米(闊)×2.2米(長)卡通圖案冷氣被,有小熊維尼外,亦有鹹蛋超人及HelloKitty等。家陣?60就有一張,亦算合乎經濟原則,小朋友一定喜歡!
夢怡床上用品
電話:(86-755)5711737
地址:深圳市羅湖區東門步行街越港商業中心地下1170號舖
營業時間:上午11:00至晚上8:00
交通:從羅湖口岸前往,乘的士約10分鐘,車費約?12.5。