黃卓玲（Ruby）為EABEAUTY任代言人已近一年，原本皮膚黝黑的她變得白皙，她還表示朋友都覺得她的形象比以前女性化，連追求者亦有增加，所以她認為女仔都是白皮膚較着數。
Ruby說：「呢一年嘅進度真係好好，我𠵱家差唔多用最白嗰隻粉底。以前個個覺得我形象剛強，但𠵱家識嘅新朋友，知道我平時鍾意做運動，就話睇我個樣唔似喎。」有否因為白了而多人追？她說：「咁靚女自然多人追嘅啦，哈哈！都多咗嘅。」
黃卓玲現時正在拍無綫新劇《繾綣仙凡間》，這是她第一次拍無綫的劇集，亦是第一次拍古裝，她說：「我個角色係神仙，但係非常之貪靚，做神仙都係為咗得到法術令到自己可以靚足一千年，都幾大發揮㗎！」
採訪：張止寒