海港大酒樓喺深圳愈開愈多，家陣喺鼎盛時代廣場又開設第8間分店；由於附近為商業區，所以頓時成為商界嘅食堂，而且推出一系列別創一格嘅菜式，例如冰鎮大鮑魚，這道菜式在香港未必食到，口味獨特，賣相吸引；加上此處裝修豪華，實為洽談商務、設宴款客的好去處。
記者：梁烽健 攝影：林栢鈞
用原隻南非鮮鮑烹調，重約1斤半。先將鮮鮑切片再放入滷水汁內浸20分鐘，滷水味道夠濃郁，自然與其他食法不同。由於以刺身形式推出，鮮味可保持長久，而且4、5個人一齊享用絕對唔失禮。
以薑汁酒加入少許白糖喺砂鍋內炒嘅芥蘭菜，入口已經非常爽口，加上有廚師即席喺大家面前烹調，淨係賣相已值回票價。
呢道菜式外貌的確有點似法國田螺。由於貴妃蚌需與芙蓉蛋一齊蒸，所以蒸後嘅貴妃蚌就猶如被封密一樣，蚌肉有蛋味之餘，但仍有其肉質甜味，食法夠晒獨特。
用深海鹹水魚多寶魚作一魚兩吃，分別將多寶魚嘅魚肉炒球，而將其魚殼及魚骨椒鹽，所以食法各異，魚肉夠鮮嫩，但椒鹽魚骨夠脆口，口感的確創新，何況「易食金多寶」港人最啱聽。
呢道潮州菜以最靚嘅大騸雞作材料，由於只用雞最嫩滑部位作烹調，其他如頸、腳、頭等全部棄掉。之後於砂鍋內以清雞湯、冬菇及春菜等一齊煮約10至15分鐘，而煮出嚟嘅鹹雞肉質保持嫩滑，入口味道十足。
鼎盛海港大酒樓
電話：（86-755）3741228
地址：深圳市福田區福虹路華強花園鼎盛時代廣場2、3樓（福田世貿廣場對面）
營業時間：早上9:00至下午3:30、下午5:00至晚上10:30
交通：從羅湖關口前往，乘的士約12分鐘，車費約?22。