八方昨日去屯門青松觀睇盆景同書畫展覽，遇到嶺南大學校長陳坤耀。陳校長話自己雖然唔識打理盆裁，但係兩三年嚟，辦公桌上都放咗同一品種、同一顏色嘅紫色蝴蝶蘭，每隔兩三個月就換一次。
蘭花有「花中君子」之稱，陳校長係咪想以花比己呢？校長笑住話佢只不過欣賞蘭花簡單、雅致同好有性格，冇話想以君子自比。而鍾情紫色，係因為紫色花瓣顏色深淺有序，層次感強，好似圖案咁整齊。校長不僅愛花，重好識花，佢重會將蘭花好似畫咁睇：「枱上蘭花係中景，窗外花草樹木係遠景，做到攰，兩樣都望吓，就會覺得輕鬆啲。」
（圖）陳坤耀在盆栽展上特別注視一盆紫色蝴蝶蘭，原來他在辦公桌上亦放了一盆。
E-mail：