米蘭飛機事件，虛驚一場。隔晚歐美股市急跌後回升，港股亦有進帳。一線地產股繼續硬淨，不過啲Call輪唔係點跟，暫時要透透氣。
個別大紅籌有勢，有炒落後迹象。例如中信泰富（267）唔聲唔聲爬高20仙，收16.30元，雖然幅度唔大，但勝在穩步向上，啲Call輪要望多兩眼。
中信Call輪並冇跟足正股上升，佢哋近排啲溢價縮晒，就算計埋正股派息嘅因素，啲溢價已經到咗好吸引嘅地步。
第2熱門嘅中信Call輪9160，收18.4仙，只升0.7仙，9月到期，溢價0.4%，槓桿率8.9倍，好爆炸。
另1隻中信Call輪9037，交投最多，升得重少，只有0.4仙進帳，收21.3仙，年期長些少，溢價同槓桿率輸蝕畀9160，但勝在易買賣。
上實（363）升10仙，收15.80元，啲Call輪亦要昅住。
唔嫌交投疏落，最值得買嘅係9092，做23.4仙，溢價0.5%，槓桿率6.8倍。所有上實Call輪，其實隻隻都係交投好疏。 章盛