安雅昨日在銅鑼灣以性感打扮為張玉珊旗下的修身堂做宣傳。她日前與朱茵、何超儀和蒙嘉慧到泰國拍新一輯廣告被某周刊偷拍，張玉珊炮轟該周刊醜化其代言人。
修身堂老闆張玉珊與安雅昨日在銅鑼灣世貿出席「終極修身之旅2002頒獎典禮及記者招待會」。
張玉珊早前與朱茵、何超儀、安雅和蒙嘉慧四位修身堂代言人到泰國拍廣告，適逢是泰國潑水節，五人都被潑得周身濕透，而朱茵和何超儀更帶備水槍還擊。
對於被某周刊在泰國偷拍整個廣告拍攝過程，張玉珊不滿地說：「佢哋特登醜化我哋，佢哋咁寫係針對性，斷章取義。我想知邊個係策劃人，佢哋四個代言人得一個係英皇，我絕對相信何超儀唔會咁做，我搵代言人唔係求其搵個靚女。我嚟緊會安排啲代言人出席活動，佢哋係真材實料。」
張玉珊又懷疑安雅的三點式泳衣照被加了電腦效果，她說：「佢哋偷影咪算，佢哋重用呢啲手法做嘢，我懷疑另有內情。」
報道又指安雅只得二十萬酬金，但據知安雅應有八十萬，張玉珊則說：「總之佢騷哥利值八十萬啦。」安雅在未收身前的三圍數字是32.25、29.5和38，但收身後即變34.5、24和35，她昨日在活動上更即時度身。
安雅昨日穿上三點式泳衣配短裙，吸引了不少男士圍觀，她說：「我對自己呢次收身好滿意，我都冇睇過嗰本周刊嘅報道，唔靚嘅嘢我唔睇。」
問到安雅跟梁朝偉的緋聞，她的助手代答：「佢哋唔熟，佢哋冇嘢，之前只喺橫店見過。」