林嘉欣與Twins的蔡卓妍成為本屆香港電影金像獎頒獎禮的「最佳新人獎」大熱。林嘉欣在《男人四十》所飾的反叛少女與蔡卓妍在《常在我心》演患癌女子，各獲好評。
本屆香港電影金像獎頒獎典禮，明晚在尖沙嘴文化中心舉行，金像獎各獎中，用來鼓勵有潛質新人的「最佳新演員」獎，入選的五位候選者有林嘉欣、蔡卓妍、周麗淇、周俊偉及郭善璵。當中主演《男人四十》的林嘉欣勝算甚高，而次熱門則是Twins的蔡卓妍，她演出的《常在我心》表現亦獲好評。
二十三歲的林嘉欣加盟星皓後，被老闆王海峰點名力捧，她在《男》片飾演一位年僅十六歲的反叛少女。在本屆金像獎有份投票的張婉婷導演，日前接受電話訪問時說：「新人嚟講林嘉欣的確有唔錯表現，佢今年已二十幾歲，但佢演繹一個純情、性感同富挑逗性嘅反叛少女，表現相當唔錯，所以我都幾睇好佢。」
金像獎首輪評審導演鍾繼昌亦看好林嘉欣和蔡卓妍，昨日他在電話中說：「睇形勢，今年都係蔡卓妍同林嘉欣爭，兩者之中，當然以林嘉欣呼聲高啲，不過我覺得蔡卓妍喺《常在我心》表現都幾好，佢將一個自以為受盡委屈嘅癌症病人，演得恰到好處，而林嘉欣演戲領域大，喺許鞍華嘅手上，喺《男人四十》嘅發揮都幾出色。」
至於葉偉信導演前晚在電話中則說：「我比較睇好蔡卓妍，佢喺《常在我心》嘅角色幾難演，以一個新人嚟講的確難得，佢同林嘉欣可以話各有千秋。」