林憶蓮下月在紅館開個唱，她特別找來曾為《歌聲魅影》和《萬世巨星》舞台劇排舞的BeataAlfodi，任排舞老師，還找來六名外籍舞蹈員伴舞。
已經闊別紅館六載的林憶蓮，近日為下月三至六日在紅館舉行的演唱會積極備戰，她昨日於郭富城開設、位於銅鑼灣的「工作室演藝廳暨茶坊」內排舞，憶蓮為了今次個唱除了打boxing外，更請來BeataAlfodi為排舞老師。BeataAlfodi曾為著名百老滙編劇AndrewLloydWebber所編的劇目《萬世巨星》及《歌聲魅影》擔任排舞老師。
被問到為何會邀請BeataAlfodi任排舞師，憶蓮說：「我之前喺佢排舞嘅一個北京音樂劇裏面唱咗兩首歌，所以今次請佢同埋其中五、六個dancer嚟香港合作。至於佢嘅酬勞係咪好貴，我諗你要問番製作單位。」
憶蓮昨日以一身運動服示人，雙手更戴上保護手套，憶蓮說：「啱啱先練完boxing，已經學咗一個月，我覺得可以鍛煉自己嘅體能，我從未試過流咁多汗，而且精神都好咗，但就唔需要瘦到條柴咁，而且我嘅體形都冇可能瘦到條柴咁。」
此外，憶蓮被問到陳奕迅近日在台灣受傷一事，憶蓮說：「聽到佢受傷都覺得好陰功，所以喺舞台真係要小心啲，呢方面香港一直做得好好。」
採訪、攝影：卓美娟