踏入馬年，有唔少人預期汽車市場，響下半年有復甦嘅機會，亞Mark唔敢妄下定論；但今年車行中人事變動頻頻，確係一個事實。而最炙手可熱嘅人物，會係富士汽車掌舵人嘅EddyWong，近期車行中經已有唔少人話佢會離職，想當初佢將富士汽車大變革，以走高性能房跑車為主導，避過不少同行競爭及減價求售嘅局面，令汽車銷量穩步上揚。近期響佢嘅拉攏下，以香港車手身分，響亞洲越野車賽取得唔錯成績嘅陳自華夫妻檔，更毅然放棄多年以三菱LancerEvo.賽車出戰，改投富士車隊懷抱，令富士汽車嘅名聲能打入龐大嘅國內市場㖭！經亞Mark跟當事人傾談，獲得佢首肯承認，會響今個月底離任多年嘅富士汽車，至於佢嘅去向暫時要賣個關子；但相信會係好多車行內外嘅朋友意料之外呢！