星期三特首公布部長制，四方英雄走晒去下亞厘畢道聽政府解畫，成個政府總部車水馬龍，但噚日孫公、煲呔同林D8全部上電視、電台做推銷，下亞厘畢道立刻水靜鵝飛。八方下晝見到合和老細胡應湘帶班日本商界人士見特首，希望吸引班日本仔來港投資，但八方一問到意見多多嘅胡應湘點睇部長制，佢立刻乜都唔講，重好有型咁拋低句英文「Storiesarefreemonkeys！」就走人。
除咗哥頓胡之外，噚日「蘭桂坊之父」盛智文也有去見阿董，盛智文一向同老董交情唔差，又係文化委員會成員，今次同老董傾密偈，究竟係傾蘭桂坊裝閉路電視，定係又有乜發展旅遊大計呢？
E-mail：