如果政府官員喺立法會要lobby議員，但議員又想唞唞氣，靜思錯對，可以去邊？今個月開張、只供「議員專用」嘅尊貴咖啡角，應該係一個相當好嘅選擇。
得到主席范徐麗泰特別安排，噚日八方同行家有幸參觀一次呢個價值九萬幾嘅尊貴地方，而且范太、劉慧卿、朱幼麟、楊耀忠等更齊齊坐低擺甫士。
咖啡角有乜好食？呢度嘅消費可能係全中環最平，例如一杯絲襪奶茶、蒸餾咖啡、菠蘿油等通通五蚊。最貴都係三十蚊嘅齋鮑片，范太話呢樣最啱想減肥嘅議員食。
（圖）道不同不相為謀，但飛天朱（左）、范太（中）同Emily（右）等一齊飲啖茶、吹吹水，又何妨呢！
E-mail：