以四川担担麵馳名的詠藜園逾五十年歷史，由鑽石山寮屋區遷往黃埔仍吸引不少高官光顧，當中最為人熟悉是政務司司長曾蔭權。老闆娘王小玲向記者透露，本月七日曾司長與友人光臨店舖，首次品嘗詠藜園停製三十年，重新推出的四川名菜「夫妻肺片」。
「道菜係牛舌、牛心同牛頭片炮製，但曾司長就係分辨唔出牛頭片。」王笑說。詠藜園的梁經理亦說曾「嘴刁」，但盛讚「夫妻肺片」夠辣、夠口感，「佢逐樣材料放入口慢慢品嘗，好識食。」
王小玲指出，近年經濟不景對生意也有些影響，過去一般客人要等上兩小時才有位，但現在只需等半小時，「但係同其他食肆相比，佢哋晚飯都係坐滿一半位，我哋只不過輪候短咗，每日都做到一千個菜。」
本報記者