樋口明日嘉、蔡安蕎和戴辛尉前晚到尖沙嘴出席藝工坊演藝學校的開幕禮，及後三人結伴到蘭桂坊蒲吧，其中以穿粉紅色上衣的樋口最搶眼，惹來一名洋漢上前搭訕，並要求合照。
何華超在尖沙嘴開設的藝工坊演藝學校前晚開幕，陳自強和一班JCGroup旗下的藝人都有出席。樋口明日嘉、蔡安蕎和戴辛尉出席完開幕禮後，十一時許再到蘭桂坊CClub酒吧消遣。當戴辛尉接受訪問時，正好有三名外籍人士經過，其中一位逾六呎高的男士走到樋口旁邊不停說：「Hi!」
樋口是三位靚女中唯一一個受青睞的，該名男士貼近樋口，喋喋不休地搭訕，令樋口有點不知所措，不願與該名男士談話。
而另外兩名外籍人士則不停為三位靚女拍照，後來那位男士見樋口無甚反應，便與友人離開，此時樋口才說：「都唔知乜嘢事。」
而戴辛尉被問到早前為前男友謝霆鋒占卜的結果，她說：「我用塔羅牌占卜話佢會冇事，但幾時先冇事就唔知。我有打電話畀佢，但飛咗落留言，佢全家都冇開電話。」
戴辛尉續說：「其實以前我同佢一齊時，佢係個負責任嘅人，講得出做得到。霆鋒好適合喺娛樂圈工作，如果佢因為呢件事唔做就好浪費。」
採訪：甘比、汪正文
攝影：仇志德