教統局局長羅范椒芬係候任部長大熱人選，但佢噚日卻上錯車，唔通老董嘅車都唔安全？原來Fanny啱啱喺立法會開完會，一行出嚟就被八方等行家追問佢做唔做部長，Fanny唔想回應，一時情急，於是一個箭步衝上去泊喺立法會門口架車，點知個司機話：「局長，你上錯車！」後來八方知道，呢架係尤曾家麗嘅。
Fanny惟有立即下車，發現自己架車停喺較前位置，佢即向記者大發嬌嗔：「最衰都係你哋問問題，等我上錯車。」然後就急急腳行去自己架車，上咗車後重對自己私機打趣道：「睇吓人哋泊喺前面門口呀！」
其實，Fanny都唔使太緊張啫，你坐梗董家班車啦，係咪？
E-mail：