沙葛有吸油作用，炒肉時加啲沙葛更有助減低肥膩感。沙葛盛夏當造，不過家陣幾乎一年四季都可以食到，價錢都好穩定，價廉，其食法好廣泛，切薄塊或絲配肉類炒食之外，重可以滾湯、切粒粒做潮州粉果餡料。啲靚女們唔想好似我肥師奶身形走晒樣，多食沙葛啦，因為沙葛亦有助消除人體內嘅多餘脂肪，常食有益㗎！
各大菜檔有售
啲小朋友放學返嚟，經常喊肚餓，身為媽咪嘅我當然常備一啲小食，永無餓親啲細路。
最近喺馬莎買咗兩款迷你脆餅返去畀佢哋做下午小食，佢哋不知食得幾開心，脆卜卜又香口，一款香草味，一款芝士味，每盒分量唔會太多，唔驚佢哋食到過飽。買多幾盒，遲啲睇世界盃時，老公都可以用佢嚟送啤酒啦﹗
馬莎百貨有售
我肥師奶一向好有情趣，最近送咗一盒花味朱古力畀老公，𠱁得佢好開心。
春夏季係繁花滿開嘅時份，花香最清新宜人。但香港見人比見花草嘅機會多，如果想感受一下春夏花開嘅優雅，不妨買呢隻Godiva特別為呢個時份製造嘅花花朱古力。呢啲朱古力加入咗三種香氣濃郁而清新嘅花朵，分別係薰衣草、玫瑰，同埋紫羅蘭，味道更覺芳香迷人。
銷售點：Godiva（22950268）
地址：中環國際金融中心1035室