大學資源緊絀，好多時都要靠社會人士捐助。香港理工大學昨就搞咗個獎助學金茶敍，請嚟一大班嚟自社會各界嘅熱心人士，話要答謝佢哋對理大嘅慷慨捐助。出席嘉賓位位都有頭有面，其中包括已故富豪利銘澤個孫利承武，佢以利銘澤黃瑤碧慈善基金委員身分出席今次活動。原來個基金呢三年嚟已向理大捐咗二百八十幾萬。
理大校長潘宗光話，𠵱家經濟唔好，要爭取捐款都唔容易，但今年理大獲得嘅捐款都達一千九百萬元，共向超過一千二百名學生頒發獎學金同助學貸款等，都算唔錯。
（圖）理大校長潘宗光（左）與已故富豪利銘澤的孫兒利承武有講有笑。
E-mail：