陳曉東（東東）和周海媚昨日分別在金鐘港麗酒店為「Sincere2002春夏時裝匯演」擔任模特兒及嘉賓。周海媚少有地穿上低胸裝，性感撩人。
東東很關心陳奕迅在台灣表演時撞傷下體一事，他說：「佢喺台上表演時係好專業，我幾欣賞佢，希望佢冇事啦！我諗佢重係一條好漢。」問東東會否因對方今次受傷，觸發他為下體購買保險？東東反問：「乜有呢種保險買咩？我本身有買保險，但呢種就唔知有得買喎。」
此外，有指他的新歌《娛樂無窮》，歌詞中似有暗嘲謝霆鋒借女友宣傳，東東說：「我今日都想主動澄清呢件事，呢首歌一月已經寫好，同近排新聞無關，林夕幫我寫呢首歌係想寫我出道以嚟嘅經歷同成長，同其他人無關，希望大家唔好角色轉移。」
東東續說：「首歌唔係要影射某人，我唔想有日公開唱呢首歌嘅時候，有人會諗起第二個人。其實我唔知首歌會唔會派上台，總之係林夕填、我唱，唔係要博宣傳。」