若果以豪華轎車級數而言，日本豐田Crown響日本本土嘅地位，要比凌志LS430來得更高；而廠方正有計劃，響嚟緊嘅2003年，替Crown車系推出全新型號，以鞏固市場嘅領導地位嘛！
據知新車嘅造型會有大變革，由過往平實嘅面貌，會變得趨向更凌志車系化，除擁有大型鬼面罩之外，一組吸引嘅頭燈配搭，亦令人看來更具氣派，而又不失豪邁時尚一面㖭。車廂布局亦見豪華，但仍有待廠方公布有關資料後，方可作實。至於引擎配搭方面，一台3.0公升V6嘅D-4引擎仍屬骨幹，但經過廠方調校後，其耗油量要比現時重要多慳20%；其次，重有一台取材自Camry嘅2.5公升引擎，可供用家選擇㗎！