我Apple姐幾時都相信,戀愛係可以令一個人改變嘅。好似大美人關之琳,佢一向斯文大方,但係就點都好似拘束咗啲。但係自從佢同黃家諾拍拖後,成個人年輕咗,冇以前咁硬繃繃,絕對係好事嚟嘅。 禮貌周周 早排我Apple姐去九龍塘又一城間「HAiR」整頭髮,就俾我撞到關之琳,髮廊啲員工鬼咁殷勤咁帶佢去間VIP房,一路行關之琳就好似美人出巡咁,每個員工同顧客都望佢一眼,佢亦都好有禮貌咁同人打招呼sayHi,連斟杯暖水畀佢嗰個阿嬸,關之琳都唔該前唔該後,一啲架子都冇呀。