經濟唔好，減價促銷已成為指定動作，但講到價錢抵、款式吸引，小記今次介紹呢個專賣歐美名牌鞋的倉，就的確幾吸引。場內的鞋大部分低至三折，唔使$200就有交易，而且重係上季春夏款式，出街返工襯乜衫都得，喺季初就已經買到平貨，幫你慳唔少錢！
記者：區佩嫦
攝影：陳盛臣
Model：[email protected]
講到顏色夠Sharp，小記必定推介這對ELLE拖鞋，鮮豔的桃紅色夠晒搶眼，襯晒繽紛的夏日色彩。帶絨面的鞋櫳，加上厚身的鞋底，着上腳軟綿綿，特別舒服。此外，鞋面的蛇皮圖案，令雙腳更添色彩。
尺碼：35-39號
貨量：約73對
原價：$490
開倉價：$150
唔鍾意着拖鞋的你，可以選擇這對HushPuppies粉紫色涼鞋，這對涼鞋的質料為麖皮，質料舒服，柔和的粉色更能配合今季白色衣服的潮流。鞋面更有深紫和淺紫色的三角形圖案作點綴，配合白色的車縫線，令鞋身更顯線條。除了粉紫色外，還有杏色以供選擇。
尺碼：5-9號
貨量：約309對
原價：$490
開倉價：$190
今個夏天又再流行草織圖案，這對草織Camper拖鞋又點可以唔掃呢？拖鞋的鞋櫳以迎合腳掌形的凹弧形設計，夠晒舒服，而草織的鞋面位較軟身，唔怕因草繩的硬度而刮傷腳背。咁舒服的草鞋，最啱去沙灘暢泳時穿着。
尺碼：35-39號
貨量：約50對
尺碼：35-39號
貨量：約50對
這對HushPuppies拖鞋，款式較女性化，全對鞋以麖皮製成，質地舒服唔在講，彩藍色又夠搶眼。此外，鞋面更以不同顏色的車線圖案作點綴，平凡中帶點特色，襯牛仔褲就最好睇。
尺碼：5-9號
貨量：約118對
原價：$490
開倉價：$190
高踭鞋的色彩其實可以好Sharp，好似呢對草綠色的ELLE高踭涼鞋，除咗顏色Sharp之外，鞋頭選用圓形的密頭設計，即使着得耐或行得耐，腳部都可以保持舒適，買嚟襯短裙或西褲同樣醒目大方。
尺碼：35-39號
貨量：約107對
原價：$650
開倉價：$190
近年興復古，這對ELLE厚底鞋便充滿濃濃的復古味，雖然鞋踭高3吋，但由於屬厚底設計，所以穿上後雙腳都較一般高踭鞋舒服。此外，鞋面更有仿蛇皮的圖案點綴，簡單得嚟又見心思。
尺碼：36-39
貨量：約150對
原價：$590
開倉價：$290
鍾意着平底鞋的朋友，小記推介這對HushPuppies的平底鞋，仿皮的質料十分柔軟，搭帶設計令少女味較重，鞋身設計以深淺色的皮凸顯T形圖案，計設簡單，最宜配襯一身簡單的衣着。
尺碼：5-9號
貨量：約144對
原價：$590
開倉價：$250
相信最受女士們歡迎的，一定是斯文返工鞋。好似這對ELLE高踭拖鞋，鞋面設計較為幼身，並有小小的金屬扣點綴，加上吋半高的透明幼踭，令雙腿顯得更修長。鞋的款式簡單，襯裙或西褲同樣大方得體，不過貨量唔係太多，想買的話就要早啲去霸頭位啦！
尺碼：35-39號
貨量：約33對
原價：$590
開倉價：$290
講到價錢夠抵，小記必定推介這對Geox的小童波鞋，這波鞋同樣以仿皮及選用透氣設計，而這款波鞋則以灰白色的中性顏色為主，以魔術貼設計，最啱唔鍾意綁鞋帶的小朋友穿着。不過，這款波鞋的白色部分會有淡黃色的迹，各位購買時就要留意。
尺碼：26-37號
貨量：約200對
原價：$379
開倉價：$50
夏天天氣熱，不如為小朋友添置一對涼鞋吧！這對Geox的露踭涼鞋，深藍色配橙色，顏色夠Sharp，仿皮的質料夠晒舒服，加上魔術貼設計，小朋友着上腳後相信都唔捨得除。
尺碼：26-36號
貨量：約150對
原價：$349
開倉價：$90
開倉資料
日期：4月19日至4月28日
地址：屯門洪祥路三號田氏中心第三座11樓2室
電話：28861208
營業時間：11:00am-6:30pm
＊只收現金，一千元紙幣恕不接受。