為了迎接中國入世，港龍航空在去年十一月至今年三月舉行大抽獎，送出多張機票及免費飛行證，昨日下午舉行頒獎禮，由市場推廣及營業總經理董立均頒獎，董立均正是特首董建華的兒子，去年十月才加盟港龍。
八方當然把握機會，希望透過他多了解特首的家庭生活。點知董立均相當慎言，只肯回答有關港龍的提問。
八方淨係問佢是否鍾情航空業，都未問到點解唔幫手打理家族航運生意時，佢已經話：「nocomment，唔識答。」問到最後，有位行家直情衝口而出問：「董生，你係特首個仔，咁……」佢都未講完，董立均就即刻鬆人，令大家希望落空！
（圖）港龍市場推廣及營業總經理董立均是特首兒子，大家覺得佢同阿董有幾分相似？
E-mail：