李卓人（職工盟秘書長）：「究竟問責制向邊個問責先！向董建華問責，定係向市民問責？」
田北俊（自由黨主席）：「我哋最想知，究竟政府可以透過部長制節省到幾多資源？同埋董生喺外面搵到乜嘢人做部長？」
蔡素玉（民建聯立法會議員）：「最想知道當然係問責制嘅架構。如果局長上加多一層部長，咁政府點樣達到精簡架構？」
需要監察
馮小姐（廣告從業員）：「最重要係有冇一個機制，可以喺做最後決定前作出衡量。如果發現有錯先至炒，咁就冇意思。」
周小姐（金融從業員）：「我都想知道個機制會用幾多錢，睇吓每一個部門嘅分工同資源分配，唔好嘥我哋納稅人啲錢。」
陳先生（任職獵頭公司）：「首先要知道問責制嘅意義係乜？而立法會以後有冇say呢？希望問責制可以提高效率。」