昨晚范太出席小巴司機協進總會就職禮，在一大班司機大佬當中，范太顯得出奇咁女性化。一身鮮寶藍套裝，比平時黑黑啡啡搶眼得多。
一見記者影相，范太更加雀躍，自己擺好甫士之餘，更加熱情呼叫身後嘅蔡素玉同劉健儀：「快啲埋嚟，我哋女人係要俾人影吓相！」心情看來好好。之但係講到今日阿董到立法會講部長大計到底會唔會加時，范太就面有難色，頻說「任佢講，想講幾耐就幾耐」，叫記者唔好再問假設性問題，令佢呢個主席難做。
影相時蔡素玉就比范太扭擰得多，因為對腳重着住拖鞋。原來蔡素玉之前扭親腳，見報之後有位蔡氏宗親送特製藥酒畀佢，幾乎好番晒。點知前日貪靚，一着高跟鞋又扭親，所以話女人真係好……抵得諗。
E-mail：