「玩具大王」蔡志明近期掃貨頻頻，不足兩個月內，先後動用逾五億元買物業，除掃入商廈收租外，最矚目莫過於斥資八千萬購入紅磡摩天大樓海名軒頂層72樓兩個複式單位，頓時撥開九龍區豪宅悶氣。
蔡志明購入嘅係海名軒一座唯一的兩個頂層複式單位，等於買了該座最高兩層，亦係全港最高的住宅；佢重將兩單位打通變成超級巨無霸複式，總樓面達八千呎，有平台同天台，十足十豪氣。聽講，現居於九肚山獨立屋的蔡志明，在兒子險被綁架後，好重視保安，打算搬入多層大廈住。八方噚日去參觀呢間超級豪宅，從廳到房可飽覽全港景觀，由中區璀璨繁華，遠眺至鯉魚門海峽至大嶼山，確有一種「大地在我腳下」感覺。
（圖）玩具大王蔡志明買下全港最高住宅，成72樓咁高，如果有畏高症都咪話唔驚。
E-mail：