讀者志堅問：最近本人購買咗一部二手車作座駕，並發現擋風玻璃上有好多污迹，完全無辦法將之除去，喺下雨時水撥又唔可以完全刮去玻璃上嘅水迹，就算換咗新嘅水撥情況都係一樣，就算用玻璃水也不能清理，請問有何辦法徹底將問題解決呢？
志堅：由於車前擋風玻璃喺高速行駛時，經常會遇上沙石，因而導致玻璃表面上有好多細小嘅花紋，加上長年積聚嘅油迹，令水撥不能有效地刮去雨水，而玻璃水亦唔能夠清潔汽車使用嘅油膜，同埋坑紋內嘅細小污迹；所以你應到汽車用品店，購買一種除油膜嘅清潔劑，價錢約為30至50元。而呢種清潔劑使用方法非常簡單，只需塗在擋風玻璃上，待乾透後用乾淨毛巾大力抹去，清潔劑便能將油迹和污迹一起帶走；不過要留意一點，就係清潔劑唔係愈多愈好，若塗得太厚的話，抹去時會相當困難。至於水撥方面，最好購買一種橡膠潤滑劑，平均每三個月喺水撥上塗上薄薄一層，便可防止水撥膠硬化嘅問題。
如大家對汽車有任何問題，可傳真至27420542，或郵寄至香港將軍澳工業邨西駿盈街八號，《蘋果日報》副刊「車天車地」版「汽車Q&A」收，我哋會盡快為你解答。