公立醫院每日照顧病人無數，𠵱家做護士一啲都唔容易，少啲耐性、愛心都唔得。
不過，同樣做過護士嘅董太噚日出席「第三屆護理及教育會議」時，就以過來人嘅身分，話畀百幾名嚟自中港台嘅師弟師妹知，做護士除咗要有愛心同耐性，面皮重要夠厚，有唔識就要問。
話說董太當年喺英國攻讀護士學位兼且實習時，有一日俾個外籍護士長以英語當眾叫佢拎個ladle（湯殼）嚟，年輕嘅董太當年對廚藝同呢啲名詞一竅不通，一時冇反應，護士長就表現得唔多高興。
董太亦都為呢件事好唔開心，不過，佢就好積極咁面對，即刻叫同房教佢將tablespoon（湯匙）、teaspoon（茶匙）、oven（焗爐）一一認清。
後來，董太重同護士長講佢將所有廚具搞清楚，護士長見佢處事咁認真，當堂笑逐顏開。
E-mail：