於電視劇《真情》中扮演「雞坤」一角為人熟識的無綫藝員黃天鐸，大前晚在朋友的飲宴中突然昏迷，送院搶救後不治。黃天鐸的同居女友阿敏指黃天鐸的前妻得知死訊後，第一時間到無綫索取保險金和體恤金，亦不讓她去殮房認屍。
黃天鐸大前晚在朋友飲宴中突然昏迷，送院搶救後不治，他生前與女友阿敏拍拖半年，原本打算今年結婚，並於元朗錦上路月租三千多元的村屋同居。早前黃天鐸因三叉神經線發炎引致歪嘴，阿敏因此辭去工作照顧男友。
記者昨日到上址時，阿敏、黃天鐸的妹妹和黃天鐸一名女徒弟均在屋內，阿敏正執行李準備搬走，她哭着說：「佢前妻唔畀我去殮房，唔畀我去殯儀館，男友當日暈喺我度，我已經送咗佢最後一程，我亦唔會去殯儀館俾佢前妻趕，費事做鬧劇畀人睇。」
阿敏續道：「其實佢前妻唔使咁急去攞保險同體恤金，保單一早寫咗係畀仔女嘅，佢前妻不停打電話嚟話要嚟搜屋，我唔會攞走啲乜嘢，只會帶走男友寫畀我嘅一封情信，男友啲衫我會捐去救世軍。」
而黃天鐸的妹妹亦說：「今次阿哥死，阿嫂（指黃的前妻）都有責任，佢哋已經離咗婚六年，法官都判咗象徵式每個月畀一千蚊就得，但阿哥已經每個月畀兩萬蚊佢，但每隔幾日佢就用個仔嘅名義嚟攞錢，阿哥最錫個仔，為咗搵錢，佢自己拍戲有內傷，重不停幫啲癌症病人做氣功治癌，佢係攰死嘅！」
黃天鐸妹妹續道：「見阿哥最後一面嗰陣，佢哋三個（指前妻和兩個仔女）重不停咁搖佢，話『我哋原諒你，你快啲起身』。佢重話呢兩日嚟掃屋，攞返啲金銀同戒指，因為呢啲嘢係留畀個仔嘅！」
而黃天鐸的前妻和兒女，昨日早上九時到紅磡殮房辦理認屍手續，三人神情冷漠，其後大女忍不住哭了出來。對於阿敏的指摘，黃天鐸的前妻說：「我唔會答你呢個問題！」至於會否讓阿敏到殯儀館，其大女則說：「任何朋友都可以去！」
採訪：盧雪琪 攝影：馬啟然