立法會議員陳智思噚日到美商會演講，八方當然捧場。作為保險業的代表，陳智思有感而發，佢話現今經濟及政治環境下，令社會產生咗好多「EmotionalBlackmail」（非理性勒索）。以最近小巴及的士加保費為例，有些人認為不合理，其實一般保險公司已蝕咗錢好多年。佢話現時政府傾向要商家做「善堂」，佢認為並不合理，好似電盈裁員，李澤楷要私下畀錢設立基金，這對商家有好大壓力，因為市民有咗期望，下次其他公司再裁員，工會又可能要求成立基金幫助被裁人士。社會確實有好多怨氣，商界有商界的難處，但無助的基層亦有很大的難處，最重要仍然係同舟共濟，共度時艱。
E-mail：