余安安做了五年菲力偉的美麗大使，最近續約一年，酬勞有七位數字，雖然菲力偉新添了兩名代言人，分別是胡敏珊和「拉丁舞后」黃蕊，但余安安表示不會因此分薄自己的一份。
余安安、胡敏珊和「拉丁舞后」黃蕊三位菲力偉健美中心美麗大使，昨日齊齊往灣仔萬麗海景酒店出席「美的延續、纖的誕生」活動，暢談健美心得。
余安安已是第五年擔任菲力偉美麗大使，她表示今次續約酬勞滿意，約有七位數字。
余安安昨日更十分識做的說：「我已經當咗菲力偉係我第二個屋企，今次續約酬勞好好，雖然有多兩名美麗大使，但唔會分薄我嘅酬勞，咁當然啲錢我會儲埋當私己啦！我已經當咗喼弗係我生活嘅一部分，就算係仔女，由細到大我都唔畀佢哋食零食㗎。」
胡敏珊表示成為菲力偉會員已有十年光景，她慶幸自己屬於偏瘦一族，但亦相當注重自己的體形，她說：「我好唔忍得口，試過一晚食咗三個公仔麵，到第二日就狂做運動補番數。我無論戶內同戶外活動都啱，好似玩滑水板、做瑜伽同埋打壁球等等，總之務求令自己有更弗嘅身形啦！」
而黃蕊則說：「我第一次做代言人，當然一定要以身作則啦，上次我同劉德華去日本做演唱會食咗好多嘢，呢排節食已經由五十幾公斤減至四十八公斤。」
黃蕊更即場和男友馬駿表演跳舞，兩人拍拖九年，已視對方為結婚對象。
採訪、攝影：顏英儀