長實集團（001）位於北京嘅東方廣場商廈「東方經貿城」，至今已租出逾130萬方呎，並且不斷有租客查詢。北京東方廣場有限公司董事長甘慶林話，「東方經貿城」有條件加租10%。而近期租用該商廈嘅大租戶，有蒙特利爾銀行、西門子同新聞集團等。
內地樓市日趨蓬勃，威格斯市場研究部就準備咗一系列有關內地市況及房地產投資嘅資料，等客戶可以做參考。首個介紹地點係北京。
小西灣藍灣半島，剛有一家於海外上市嘅財團，透過美聯物業承租咗3個單位。呢間金融公司寫字樓響灣仔，今次租入嘅單位，包括有9座高層H室，861方呎，全包月租1.75萬元，另兩個為2座高層875方呎A室同6座高層847方呎E室，月租均為1.6萬元。美聯韋文俊表示，該公司代理租出嘅3個單位，都係早前透過美聯購入單位嘅投資者持有。聽講呢間公司重繼續物色緊單位。
蘭西