梁敏儀、周麗淇、周英杰及周子駒昨日到屯門小欖，拍攝電影《恐怖熱線二熱血青年》，梁敏儀在《恐》片中扮演一個自殺而死的女鬼，昨日劇情講述周麗淇、周英杰和周子駒三人到靈堂出席梁敏儀的葬禮，而靈堂上更有梁敏儀的「遺照」。
由於《恐》片是一部鬼戲，故各演員都自備護身符。周麗淇表示從未去過靈堂，拍攝時頗害怕，她說：「今次拍戲都幾邪，我一向好少大病，點知噚日就發高燒，所以媽咪畀個開咗光嘅玉墜我傍身，本來媽咪叫我拎埋蒜頭辟邪，但我怕有味冇攞到。」
梁敏儀則說：「我第一次拍鬼片，所以專登戴媽咪買畀我嘅水晶吊墜，公司亦畀咗平安符我。自己喺愛爾蘭時都撞過鬼，試過俾一隻男鬼壓住。」
採訪、攝影：汪正文