立法會多了個合法「蛇竇」。大家都知立法會有時開會開到天昏地暗，馬拉松式開十幾個鐘都有。主席范太咁體貼同僚，在三樓宴會廳一角準備了一個小食Bar，Bar檯、Bar櫈、靚沙發一應俱全，第一個幫襯的議員係劉漢銓。范太自己嘅心水美食則係一味「芝士焗多士」。
有了這個「好地方」，以後議員開會開到攰，又多個地方唞吓氣、充吓電，不過如果議員成日開小差，這個Bar會唔會變成議員「蛇竇」呢？
八方就肯定，呢個Bar一定唔會變成記者蛇竇，因為范太講明只為議員而設，謝絕官員、記者同賓客入內。
八方同班行家對這個議員新蒲點好奇之極，范太亦爽快答應星期四下午帶記者去開吓眼界。
不過講到試食，范太就好守規矩，話記者唔可以破例在Bar內進食，想食咩都可以，但就要去她的辦公室，當然係范太請客。
（圖）范太咁體貼議員，以後開會就開心好多啦。
E-mail：