日產Serena改偈爭市場

日產部新款March響日本叫好又叫座，本來香港代理亦已計劃響年中引入，奈何唔夠水貨車商咁眼明手快，俾人捷足先登飲咗頭啖湯，都可謂無話可說。
之不過，據亞Mark最近打聽得知，話響年中引入新款March之前，代理會先行引入Facelifted新版嘅Serena八人MPV，部車除賣相同車廂鋪排有改動外，原本台2.0公升偈亦會升級至2.5公升直4DOHC引擎，兼且將原有嘅CVT無段變速波箱，改為傳統4前速自動波組合，務求響動力輸出方面，會較一眾同級日本對手更出眾，反之波箱配搭重係其次。呢招釜底抽薪嘅殺着能否成功仍屬未知之數，但亞Mark就覺得好有SellingPoint，加上Serena本身有唔錯嘅車廂同空間感，睇嚟今勻豐田Previa同本田Odyssey終於有對手喇。