被傳秘密拍拖
安雅：我覺得梁朝偉靚仔

嘉禾藝人安雅昨日聯同一眾女星，往銅鑼灣出席Pro2「怡容坊」一周年紀念活動。安雅對於近期有傳聞指她與梁朝偉秘密拍拖，大表愕然，但承認在內地拍戲時，曾與對方碰面，並大讚偉仔靚仔。

為慶祝Pro2「怡容坊」一周年紀念及LaPeau護膚及PS專業頭髮護理中心開幕，城中一班女藝人，包括安雅、方子璇、「啤妹」蔣怡、周嘉玲和陳見飛等昨日齊齊參與慶祝活動，並在店內享受美髮與修甲的樂趣，各人更作出形象大變身，場面熱鬧。

「見過兩三次」
近期一直有傳嘉禾藝人安雅正與梁朝偉拍拖，昨日記者向安雅求證時，她反應十分愕然的說：「吓？你哋係咪收錯料呀？我係識得偉仔，見過佢兩、三次咋。嗰時佢喺橫店拍《天下無雙》，而我就拍緊徐克套戲，係咁之嘛！」問安雅是否覺得偉仔雙眼電力驚人？她說：「我梗係覺得偉仔靚仔啦，但我就冇俾佢電親啦！」
談及近況，安雅表示剛從泰國拍畢「修身堂」廣告回來，她此行是聯同何超儀及朱茵等人拍攝，她大讚何超儀形象夠健康。但問及對朱茵印象如何時，她竟口快快說：「佢（指朱茵）老啲囉！」其後即時補鑊指意思是她較成熟而已。

方子璇突出
此外，嘉禾新人方子璇昨日在大變身後，以狂野look示人，十分搶鏡，伊人不諱言正想改變形象，她說：「我都覺得自己個形象唔夠突出，想試吓啲野性嘅形象，重想留一把長到及腰嘅長髮㖭！」
再問方子璇會否介意行性感路線，她說：「低胸、露背、着短褲都得嘅，比堅尼就接受唔到啦！」
採訪：RitaLeung、DebbieLum
攝影：EdwardChou、HoKwokHo