曾經係SUV市場中主流型號嘅豐田Prado，廠方正有計劃響今年11月上旬，推出全新車款。過往富剛勁嘅硬朗線條，會變得趨時有個性外，車身輪廓亦顯得豐滿得多；當中四輪拋沙板設計，加上高聚焦車燈組合，均予人有耳目一新之感。除長陣五門七座位版外，稍後亦會有短陣三門版型號。據知車廂陳設亦有變動，給新款Prado有更似豪華轎車般嘅感覺。
至於引擎配搭方面，豐田廠方會棄用原來嘅2.7公升同3.4公升型號，而改用上一台具慳油特性，以及低轉時有高扭力輸出嘅4.0公升V6新偈，不僅較日本同級嘅SUV更高級，而且重可以進一步拉近跟平治M-Class、寶馬X5同越野路華RangeRover嘅距離嘛！