張徹導演向來愛提攜新人，狄龍、姜大偉、羅莽和錢小豪等均是由他提攜出身，且看他們對恩師獲獎有何看法： 羅莽：用大隻佬掛帥 應該啦，晨早要啦，咁遲至頒。張徹導演當年開創陽剛武俠片先河，用大隻佬掛帥，呢個獎佢應該攞啦。 錢小豪：實至名歸 佢「金紫荊」已攞咗啦，今次「金像獎」攞埋更加實至名歸。帶咁多人出身，好似台前嘅龍哥（狄龍）同姜大偉，幕後就有吳宇森。我都係佢帶出身，真係好多謝佢。 李修賢：桃李滿門 應該啦，佢對電影咁大貢獻，重帶咗咁多人出身，桃李滿門。