咁多名人富豪之中，我Apple姐向來幾欣賞華人置業主席大劉劉鑾雄嘅，佩服佢夠敢言，講嘢又幽默風趣。好似清明節嗰日（五日），我Apple姐就撞到大劉一支公去銅鑼灣利園購物，佢份人好nice，重同啲sales鬼咁好傾㖭。 毫無架子 大劉嗰日喺利園嘅A?T買咗個九百幾蚊嘅保齡球袋，畀錢嗰陣佢重同啲售貨員傾咗兩句，佢好細心咁問啲女仔，利園呢個場係咪真係好靜，態度親切友善到極。哈！唔知大劉係咪順便視察環境，想喺利園左近有啲發展咁呢？