一向被視為行車一條街嘅灣仔告士打道，好快又增添一位新成員喇！事關亞Mark早前曾經同大家提過，話LeonardCheng自入主福特後，正積極響香港區另覓新Showroom；而早陣子終於落實，新舖會響灣仔盧押道同告士打道交界嘅筆克大廈地下，正係奧迪同標緻Showroom之間，同樣以賣歐洲汽車品牌為主，位置都可謂適合不過。聽聞佢哋香港嘅新分行，大抵會喺5月底開張，而亞Mark則收到風，話廠方為配合佢哋嘅新動作，極有可能會運嚟新款Fiesta作首展及預售；據知呢部人氣之車，除標準版嘅1.4公升五門掀背型號外，遲吓重有跑味十足嘅三門同頂級配以2.0公升偈嘅RS版本㖭！以抗衡標緻206車系嘛！
至於新車嘅定價，標準版定位會響Laser同Focus之間，大概賣12萬上落，係咪好吸引呢？有興趣嘅朋友，就要記住留意福特新Showroom嘅開幕日期喇！