Twins出道至今一年多已被楊受成點名稱讚，指二人乃為英皇賺錢最多的藝人。前晚二人捧王傑場出席《賭神之神》首映時，透露英皇由今個月開始減低對她們抽佣的百分比，變相加人工。
前晚灣仔會展舉行電影《賭神之神》首映，Twins為撐師兄王傑而到場。Twins入行年多即被楊受成稱讚為公司賺錢最多的藝人，前晚她們透露因為二人表現良好，英皇將對她們的抽佣比例減低，變相加人工。
英皇向來被指對藝人抽佣甚高，早前謝霆鋒接受訪問，就曾公開表示自己大部分收入都被英皇抽佣抽走，在現時市道下，Twins有得加人工，可謂得天獨厚。
談到Twins為新一輯Epson打印機廣告任代言人，酬勞是否有增加？鍾欣桐說：「講啫，想同事實係兩回事。」蔡卓妍則謂：「啲報道成日講到我哋好陰功好坎坷，又話公司抽佣抽得勁。」此時身旁的經理人霍紋希即說：「佢哋最近加咗人工，由今個月開始減低抽佣嘅百分比。通常新人合約冇咁快可以減，但佢兩個乖，公司就當獎勵佢哋。」至於減了多少？霍紋希則謂不方便透露。
Twins則稱還未出糧所以也不知道，霍紋希續說：「總之夠佢哋食鮑參翅肚啦。」鍾欣桐謂加了人工她要大吃一餐，蔡卓妍則表示她要將錢儲起買樓。問到會否怕遭其他新人妒忌？Twins謂：「我哋乖嘛，減低公司壓力呀，公司都唔係咁刻薄啫。」
而王傑前晚談及他拍《賭神之神》扮演大馬賭神JimmyTang的情況，他謂最難演繹乃表情，因他未試過豪賭，他說：「賭分好多種，我話冇賭就呃人，但好似佢賭咁大就未試過，我自己有控制能力，玩一、兩鋪就算數。」
採訪：馮美茵
攝影：仇志德