窮則變，變則通，逆境求存的水客，雖然膽大心細，但也絕對不是無有怕。水客行內流傳有三怕：一怕內地偵緝，二怕「俾人陷害」，三怕假日人多。有水客表示，就算怕也要硬着頭皮，寧願自力更生，也不甘領教社署職員的惡形惡相，領取綜援，要做個活得有尊嚴的水客。
因失業加入水客兵團的阿祥說，「做水客有三怕，最怕俾內地海關留難，把你看成走私客，交畀緝私調查科左查右問；其次怕俾人整蠱，水貨夾雜走私貨，一旦查獲被列入黑名單；三怕假日人多，影響過關轉數，難收多勞多得效應。」
幾年前做運輸工人的阿榮，月入達一萬三千元。無奈好景不常，月薪下調至五、六千元，為養妻活兒，阿榮幸得老闆體諒，每月總有三幾天去上水做兼職水客，多賺一、兩千元。
阿榮說，認識的水客，十居其九都是因失業入行。他曾陪朋友走去申請綜援，他說，「諗起社署班職員黑口黑面，申請綜援好似乞兒咁，覺得做水客重有尊嚴。」
他認識的水客，不少為減省開支，索性搬到深圳居住。他說，「香港租間房最少三、四千，深圳八百蚊就有交易，而且深圳消費平過香港，喺羅湖做水客連水腳都慳埋。」
水客阿祥說，「窮則變，變則通。所謂馬死落地行，做水客都只係逆境求存；但係水客唔同走私，同人帶貨，睇清睇楚。派卡片講明帶乜，唔帶乜，有別於鋌而走險的走私客。」 本報記者