港府一直充滿憧憬嘅香港迪士尼樂園，噚日被英國《星期日泰晤士報》（《TheSundayTimes》）大潑冷水。該篇洋洋逾千字嘅評論文章，首段已經諷刺話邁步向香港迪士尼樂園嘅黃磚路，沿途滿是昂貴及令人尷尬嘅深坑。
𠵱家啲深坑包括近日竹篙灣財利船廠發現大量污染物，以及最近一份獨立報告指迪士尼挖掘工程導致大量養殖魚死亡。政府不但要注資清理，亦令到一向以健康家庭形象作標榜嘅迪士尼，蒙上污點。
該篇文章連香港嘅天氣都埋怨，話香港天氣潮濕，夏天時常有豪雨及颱風，部分香港官員同商界人士亦承認如此氣候，實在難保證迪士尼嘅入場人次。
香港人嘅夢幻王國，被人批評到體無完膚，都咪話唔傷心。
E-mail：