上周趁清明假期，飛去杭州買茶葉。甫上東方客機，就見到科大前校長吳家瑋，當時人迫人行李又多，打過招呼就各自就座．八方心諗，吳校長退休之後真係幾得閒，可以趁早春時節返鄉下欣賞江南景色。
原來唔係。話說去到杭州，同當地老友傾偈，方知瑞安老細羅康瑞亦到咗，拜會杭州市委書記王國平同市長茅臨生，重在樓外樓一齊食飯。
羅姑爺北上當然唔係睇風景，而係睇吓有乜生意可做。據知佢參觀過錢江新城、河坊街、環湖南線景區、玫瑰園、元華廣場等地，有興趣搞休閒、娛樂、餐飲業。
杭州係重點旅遊城市，近年市政府銳意復修古迹，胡雪巖故居就搞得好正。羅在上海的「新天地」，在國內國外皆聞名，挾此經驗要在杭州再搞一個「新天地」，相信會好順利。
而吳家瑋自從退休唔做科大校長之後，就出任瑞安高級顧問，佢本身係杭州人，居中幫忙，一切易辦事啦。
E-mail：