肥佬黎竟然有機會同鐵娘子合作。話說總部設於華盛頓嘅卡托研究所（Cato），新設立咗一個「佛利民自由獎」（FriedmanLibertyPrize），每兩年頒一次，每次有一位得獎者，獎金有成五十萬美金。
呢個卡托研究所，係美國著名ThinkTank，之前連續兩年（○○年同○一年）選香港為「世界經濟自由度」排名第一嘅地區，阿董當時都喜孜孜高調接受。
而卡托這次舉辦的「佛利民自由獎」，以主張自由巿場經濟嘅諾貝爾獎得主佛利民教授命名，目的係頒獎畀世界各地致力於推廣自由嘅人士。
今年第一屆嘅遴選委員會有九位成員，包括英國前首相戴卓爾夫人、佛利民太太RoseFriedman、意大利國防部長、聯邦快遞主席史密斯等國際知名人士，重有一位亞洲代表，就係肥佬黎。
鐵娘子當年大刀闊斧私有化國營企業，對自由巿場經濟有大貢獻，有份任委員好合理，但肥佬黎又唔係乜政要，全世界傳媒老總何止千萬，點解會揀佢？唔通因為最近台灣《壹週刊》被查抄，搞到肥佬黎成為自由鬥士，故卡托諗起佢？
個頒獎禮會喺下個月九號在華盛頓卡托研究所二十五周年的晚宴上舉行，大家不妨留意吓。
E-mail：